Kopie des alten Systems

Dies ist eine alte Kopie des GenWiki und spiegelt den Stand vom 8. Mai 2022 wider. This is an old copy of the GenWiki and reflects the status as of May 8, 2022. Please visit us at wiki.genealogy.net

aus GenWiki, dem genealogischen Lexikon zum Mitmachen.

GenWiki - Digitale Bibliothek
Schleswig-Holsteinische Kirchengeschichte
Register  |  1. Band  |  2. Band  |  4. Band
3. Band  |  Inhalt des 3. Bandes
<<<Vorherige Seite [325]	Nächste Seite>>> [327]
unkorrigiert
Dieser Text wurde noch nicht korrekturgelesen und kann somit Fehler enthalten.

alß gulden ringen, gelde, suluer, suluersmide, qweke, allen Bichtevnde dispensatien breuen vnde weß vns vnde den vnßen also alles mach behendet werden vnde tokamen, synen furstlichen gnaden mede tom besten getruwelich by to farende in aller maten, Ock alle maente, de wyle desset pewestliche afflat waret vnde in den vorben. steden vnde landen geholden werdet, vor vns vnde vnße denere dagelix mit uns vmmegande Söstich rinske gulden tor terunge vnde vor vnse anderen Commissarien vnde denere in den obgenannten steden vnde landen ouerhouethen ere teringe van alleme gelde vth den kysten vnde gantzen Hupen to nemende vnde to betalende vnde wenner denne sodane afflat vnde gnade in dessen vorbenom. steden vnde landen vullendet vnde vthe is, denne alle sodane gelt vth allen kisten vnde wes dar beneuen furdermer van Dingen wo obgeschreuen steytt, gefallen is, vp lechlike stede alhiir bynnen landeß vp syner fürstlichen gnade beleuent by en to bringende vnde to tellende, mit deme drudden Parte van alleme gelde vnde wess dar to furder mer vorgerörter mate gefallen is, wo nafolget, by to farende vnde de anderen twe dele geldeß hiir to lande vorsegelt by en tor stede bliuen, So lange tiit men witlich erfare, wo dat andere Heren vnde Fürsten syner gnade naburen vnde vmmelangeß beseten erer lande dergelichen togelaten afflatesgelt vthstadende werden ock denne vngehindert vthstaden vnde folgen to latende. Ock vor der tijt der vthstadinge der twier Parte geldeß vnde alleß anderen wo gefallen vorben. in nenermaten myt rechte to manende edder to forderende, manen edder forderen to latende, gnedichlich vorgunnet togelaten vnde geleydet hefft. Darumme hebben wy Johan Abbet vnde Peweslicher Subdelegate vorben. myt fundergem wollbedachtem mode, friiheme guden willen vnde ungedwungen synen fürstlichen gnaden, wenner sodane vorben. afflatsgeld vth allen kysten vorben. vnde weß darbeneuen alleß mer gefallen iß, by en gebracht, getellet vnde ouerrekenet werdet, denne dat drüdde Part van allen deßen vorgeschreuen dingen, dat sy van gelde, gulden ringen, golde, suluer, suluersmide, alleme breuegelde, qweke vnde weß deß alles mach syn, vnde dar noch enbauen eyne funderge erkantenisse synen fürstlichen gnaden gutlich to günnende, to entrichtende, vnde to syner gnade nütt vnde beste folgen to latende, vnde darup synen fürstlichen gnaden vor vns, unse Commissarien, dichtehöreren vnde deneren in dessen vnde allen vorgeschreuen Inholde