Kopie des alten Systems

Dies ist eine alte Kopie des GenWiki und spiegelt den Stand vom 8. Mai 2022 wider. This is an old copy of the GenWiki and reflects the status as of May 8, 2022. Please visit us at wiki.genealogy.net

aus GenWiki, dem genealogischen Lexikon zum Mitmachen.

GenWiki - Digitale Bibliothek
Schleswig-Holsteinische Kirchengeschichte
Register  |  1. Band  |  2. Band  |  4. Band
3. Band  |  Inhalt des 3. Bandes
<<<Vorherige Seite [340]	Nächste Seite>>> [342]
unkorrigiert
Dieser Text wurde noch nicht korrekturgelesen und kann somit Fehler enthalten.

Derhaluen Leue Obbessen hir vor my vnde Consistorio Inguer Harressen hart angeklaget vor eynen mothwilligen Rouer, vnchristliken Eebreker angelanget, hedde eme syne leueste vorthruwede Bruth mit liste boslich entfert, des he sich vor gade almechtigen vnd allen Christen wider wolde beclagen. Begert von my vnde dem Consistorio eyn Sentencie, dersuluigen wil he geneten vnd entgelten. Hefft darvp Inguer Harressen darvp geantwort, he hedde eme sine vortruwede Bruth nicht entfert edder genamen, se were Inguer Harressen rechtlich van erer moder, van eren gesetten vormunder vnd frunden gegeuen. Dar tho sede Mumme Leuessen Kerstineken negeste vedder, he were rechte naturlike van der Swertsiden gebaren vormunder, deme se ock in eres seligen vaders doetbedde vp lyff vnd sele beualen was, he muste vnde hadde nochten tho rechte vor se antworden, wo er des nodich were, vnde nicht Marqvart Sestede pp. Na velen reden vnd wedderreden leuendige nogeafftige tuge, breue vnd bewys, so by dem rechte beholden syn, vnd alles tho langk were tho schriuen. De wile denne erkant is, dat vpgemelte Marqvart Sestede Kerstineken vakengeschreuen van erer moder tho eynem vormunder na dotlikem affgange des vaders mith nenem Rechte, geistlich, kaiserlich edder lantrecht mach gesettet werden, och darbauen ein richter van wegen Kön. Mayt. im lande, dem de vormunderschop nicht themet, vnd de rechte naturlike gebaren vormunder alse Mumme Leuessen hefft syne rechte vormunderschop noch nergens wor mede vorbraken. Hebbe Ick Tilemannus Biscop vpgestimpt my mit den vorordenten Hern Richtern des Consistorii eindrechtichlich besproken, ein ieder synen stymmen gegeuen, samptlich erkent, gefunden vnd vor Recht affgesproken: De wile Inguer Harressen wedder Leue Obbessen so boslich gehandelt, eme syne leue vortruwede Bruth entwendt, so hefft Inguer Harressen se in auerspele gehatt. vnd alse ein Eebreker iegen alle billicheit beslapen, schall se derwegen nustrax vorlaten, se nicht meer bekennen, sick erer entholden, alse christlich is, vnd se schall hir namals Leue Obbessen, erem ersten vortruweden Brudegame, na deme beuele gades des allmechtigen volgen vnd Eelich by eme bliuen. Dar so geschege vnd in der warheit befunden wurde, dat Inguer Harressen vnd Kerstineke vorgeschreuen na dussem dage in deme vorigen leuende des Eebrokes vnd horerie mit malckander handelen, scholen se beide vor gade almechtigen na Inholt der Hilligen